सेतो पोस्ट

<img src="http://dainiknepal.com/wp-content/uploads/2016/05/katrina.jpg"><a href="http://dainiknepal.com/wp-content/uploads/2016/05/katrina.jpg"></a>मुम्बई । सलमान खानसँगको रिलेशन बिग्रिरहेका बेला कटरीना कैफले पुनः शाहरुख खानसँग फिल्म खेल्ने भएकी छिन् ।
कटरीना कैफले सलमानसँग फिल्म खेल्न लागेको भनेर बलिउडमा चर्चा थियो । तर, त्यो चर्चा एकाएक सेलाएको छ । सलमान र कटरीनाबीचको प्रेससम्बन्ध र रणबीर कपुरको आगमनले दूरी बढेपछि यो दुई जोडीले फिल्म खेलेको थिएन ।
फिल्म ‘ट्युवलाइट’ सलमान र कटरीनाले एकसाथ काम गर्ने चर्चा थियो । यसअतिरिक्त सोही समयमा उनलाई आनन्द एल रायको निर्देशनमा शाहरुख खानको मुख्य भूमिका रहेको अर्को चलचित्रमा अभियन गर्ने प्रस्ताव आएको छ ।
समय अभावका कारण कटरीनाले कुनै एक चलचित्रमा मात्र काम गर्न सक्ने अवस्था थियो । त्यसैले उनले सलमान खानसँग काम गर्ने अवसर त्यागेर शाहरुख खानसँगको चलचित्रलाई स्वीकार गरेको भारतीय संचारमाध्यमले जनाएका छन् ।
यसअघि कट्रिना र शाहरुखले ‘जब तक हे जान’ मा एकसाथ काम गरेका थिए ।
उल्लेखनीय छ, शाहरुख र सलमानबीच पनि राम्रो सम्बन्ध छैन । त्यसैले कटरीना कैफको रोजाईमा शाहरुख पर्नु सलमानका लागि राम्रो समाचार होइन । – एजेन्सी

कटरीनाले फेरि छाडिन् सलमानलाई, शाहरुखतिर हिमचिम

मुम्बई । सलमान खानसँगको रिलेशन बिग्रिरहेका बेला कटरीना कैफले पुनः शाहरुख खानसँग फिल्म खेल्ने भएकी छिन् । कटरीना कैफले सलमानसँग फिल्म खेल्न ...

<img src="http://dainiknepal.com/wp-content/uploads/2015/10/nepal-china-650x293.jpg"><a href="http://dainiknepal.com/wp-content/uploads/2015/10/nepal-china.jpg"></a>
– विद्रोही गिरी/पुरुषोत्तम सुवेदी 
कावासोती, ११ जेठ । चिनियाँ कम्पनीको लगानीमा देशकै ठूलो सिमेन्ट उद्योग नवलपरासीको बेणीमनिपुर गाविसको बेलुवामा स्थापना भएको छ । उद्योग सन्चालन हुने स्थान नवलपरासीको दुम्कीबासबाट १३ किमी उत्तर चुरेको फेदीमा पर्दछ ।
चिनियाँ सिमेन्ट उत्पादक होङ्सी कम्पनी र नेपालको शिवम् सिमेन्टको संयुक्त लगानीमा दैनिक ६ हजार टन सिमेन्ट उत्पादन गर्ने गरी होङ्सी शिवम् सिमेन्ट उद्योग स्थापना भएको हो । होङ्सी शिवम् सिमेन्ट उद्योगसम्बन्धी जानकारी दिन लगानी बोर्डले परासीमा आज आयोजना गरेको अन्तरक्रियामा उद्योगका बारेमा जानकारी गराइएको थियो ।
यस वर्ष जग्गा व्यवस्थापनको काम थालिएको छ । दुईसय बिघा जग्गा आवश्यक पर्ने भएकाले यो वर्ष जग्गा व्यवस्थापनको काममा खटिएका छौँ, होङ्सी शिवम् सिमेन्टका प्राविधिक शिवरत्न अटलले भने, ‘बाटो र विद्युत्का बारे सरकारसँग कुरा भइरहेको छ ।’
‘उद्योगलाई दैनिक ५० देखि ८० मेगावाट विद्युत् आवश्यक पर्छ’, उनले भने, ‘हामीले जग्गाको व्यवस्थापनलाई स्थानीयवासीको समन्वयमा तीव्रता दिएका छौँ । एक सय बिघा प्राप्त भइसकेको छ, बाँकी खोज्दैछौँ ।’
तीन वर्षमा उत्पादन बजारमा ल्याउने गरी कामलाई उद्योगले अगाडि बढाएको छ । यो उद्योगमा होङ्सीको ७० प्रतिशत लगानी र शिवम् सिमेन्टको ३० प्रतिशत लगानी रहेको छ । दैनिक दुई हजारले रोजगार पाउने भएकाले उद्योग स्थापनासँगै स्थानीयवासी खुसी भएका छन् । नवलपरासी क्षेत्र नं ३ का सांसद कृष्ण पौडेलले उद्योग स्थापनाले समृद्धिको आधार खोल्ने बताउनु भएको छ । पाल्पाको ज्यामिरेबाट कच्चा पदार्थ ९क्लिंकर० ल्याउने र यहाँ सिमेन्ट उत्पादन हुँदा अहिलेको बजारमा ३० प्रतिशत आपूर्ति गर्छ ।
स्वदेशमै उत्पादन भइरहेको सिमेन्टले अहिले ७० प्रतिशत बजार ओगटेको छ बाँकी ३० प्रतिशत यसको उत्पादनले आपूर्ति गर्छ, होङ्सी शिवम् सिमेन्टका प्राविधिक अटलले भने, ‘देशभित्रको बजारलाई पूर्ति गरेपछि बाहिर पनि पठाउन सकिन्छ ।’
सुरुको वर्ष ६ हजार मेट्रिक टन उत्पादन भएपनि दोस्रो चरणबाट १२ हजार मेट्रिक टन दैनिक सिमेन्ट उत्पादन हुने उहाँले बताउनुभयो । ओपिसी र पिपिसी दुवै सिमेन्ट यहाँ उत्पादन हुन्छ ।
सिमेन्ट उद्योगले गाउँको अनुहार नै फेरिने भएको स्थानीयवासी घनश्याम गिरीले बताए । नवलपरासी क्षेत्र नं २ का सांसद जीवन श्रेष्ठले ठूला परियोजनालाई सरकार र स्थानीयवासीको सहयोग हुने भएकाले ढुक्क भएर कामलाई अगाडि बढाउन आग्रह गरे । क्षेत्र नं ४ का सांसद बैजनाथ चौधरीले समृद्धिको आधार उद्योग कलकारखाना भएकाले सरकारले लगानीको वातावरण बनाउने काम गरेको बताए । यो सरकार लगानीको वातावरण बनाउँछ, उद्योगी काममा लाग्नुपर्छ सांसद चौधरीले भने ।
लगानी बोर्डका सहसचिव रवि भट्टराईले उद्योगको स्थापनाबाट हुने फाइदाका बारेमा बताएका थिए । रासस

चीनले नेपालमा गर्यो अर्काे ठूलो काम !

– विद्रोही गिरी/पुरुषोत्तम सुवेदी कावासोती, ११ जेठ । चिनियाँ कम्पनीको लगानीमा देशकै ठूलो सिमेन्ट उद्योग नवलपरासीको बेणीमनिपुर गाविसको बेलु...