सेतो पोस्ट

एमआरपी पनि नक्कली, ७० हजारदेखि १ लाख रुपैयाँमा किनबेच अब मलेसिया मै पासपोर्ट पाइने भो जानकारी को लाई सक्दो share गरिदिनुहोस

गिरोह नेपालदेखि मलेसियासम्मै, १२ नेपाली विमानस्थलबाट पक्राउ<img src="http://setopati.com/timthumb.php?src=/home/setopati/public_html/images/newsManagement/0495d7ef9b3dac0676c331cda52db7b3.jpg&w=675">
उच्च सुरक्षा प्रणाली अपनाएर बनाइएको मेसिन रिडेबल पासपोर्ट (एमआरपी) पनि नक्कली भेटिन थालेको छ। नक्कली एमआरपी ७० हजारदेखि १ लाख रुपैयाँमा खरिद बिक्री हुने गरेको खुल्न आएको छ। सक्कली पासपोर्ट प्रयोग गरेर नक्कली एमआरपी बनाउने गिरोह नेपालदेखि मलेसियासम्म रहेको पुष्टि भएको छ। एक साताको अवधिमा नक्कली एमआरपी बनाएर मलेसियाबाट नेपाल आएका १२ जना नेपाली युवालाई अध्यागमन विभागले पक्राउ गरेपछि नक्कली एमआरपी बनाउने गिरोह नै रहेको खुल्न आएको हो।
 
पहिलो पटक ४ जना, त्यसपछि ३ र बाँकी तेस्रो पटक पक्राउ परेको अध्यागमन विभागले जनाएको छ।  उनीहरुले सक्कली पासपोर्टमा फोटो भएको पेज दुरुस्तै बनाई आफ्नो फोटो टाँसेर आएको र अनुसन्धानका लागि नियन्त्रणमा लिइएको विभागका महानिर्देशक केदार न्यौपानेले सेतोपाटीलाई बताए।
 
नक्कली एमआरपी बनाउने गिरोह नै सक्रिय भएको र उनीहरुले समस्यामा परेका नेपाली कामदारबाट चर्को रकम लिई बेच्ने गरेको न्यौपानेले बताए। नक्कली एमआरपी बनाउन को कसरी र कहाँ संलग्न छन् भन्ने विषयमा अनुसन्धान भइरहेको उनले बताए।
आनन्द राना, शर्मा तामाङ, रामबहादुर तामाङ, जयलाल तामाङ, लालमान तामाङ, विकल लामा, पदम धनुके, दिपनारायण साह, टिकाप्रकाश श्रेष्ठ, रामकृष्ण पाख्रिन लगायतकालाई अध्ययागन विभागले नियन्त्रणमा लिएर जाली राहदानी बनाएको  मुद्दा दायर गरेको छ ।
 
एजेन्टहरुले अरुकै नाममा जारी भएको एमआरपी किनेर बेच्ने गरेको अनुसन्धानबाट खुल्न आएको छ। एमआरपीधारीसँग बढीमा ४० देखि ५० हजारसम्ममा किन्ने र अरुलाई  ७० हजार रुपैयाँदेखि १ लाख रुपैयाँसम्ममा बेच्ने गरेको खुल्न आएको हो। यस विषयमा प्रहरीले पनि अनुसन्धान सुरु गरिरहेको छ।
 
<img src="https://scontent.fbom1-1.fna.fbcdn.net/hphotos-xfa1/v/t35.0-12/12631232_10206713852100003_241743940_o.jpg?oh=9e4181aa9c6cede81815b04ed39ae208&oe=56AC907D">
 
रामेछापका पदम धनुकेले बिरामी हुदाँसमेत नेपाल आउन कम्पनीले नदिएको र मलेसियामा नै रहेको चन्द्रप्रताप श्रेष्ठ, मलेसियामा रहेको नेपाली दूतावासको कर्मचारी हुँ भन्ने रविन भन्नेले नै नक्कली एमआरपी बनाइदिएको बताए। उनले एमआरपी बनाइदिएबापत् आफूले ३ हजार मलेसियन रिंगिट दिएको समेत बताए। नेपाल पठाउन एमआरपी बनाइदिने विमानस्थलसम्म आएर सेटिङ मिलाइदिएको उनले बताए।
सुनसरीका दिपनारायण  साहले कम्पनीमा सेवा सुविधा धेरै नभएको र गाह्रो काम गर्नुपर्दा बिरामी हुदाँसमेत नेपाल आउन नपाएपछि एजेन्ट खोजेर नेपाल आएको बताए। उनले पनि ३ हजार मलेसियन रिंगिटमा नक्कली पासपार्ट बनाउन दिएको बताए।
 
२० महिना अघि मलेसिया गएका बारा निजगढका विकल लामाले बिरामी भएपछि घर आउन कम्पनीले नदिएको र काम गर्न नजादाँ प्रहरी लगाएर पक्राउ गरिदिन्छु भनेपछि भागेर एजेन्टमार्फत नेपाल आउन एमआरपी बनाएको बताए। उनले आफ्नो एमआरपी नक्कली भएको समेत थाहा नभएको बताए।
३३ महिनापछि नेपाल आएका ललितपुरका रामकृष्ण पाख्रिन पनि नक्कली एमआरपी भेटिएपछि अध्यागमनको नियन्त्रणमा छन्। उनले कोत्रायको गोरखा होटलका संचालकले नेपाल पठाइदिने भनेर ३५ सय रिंगिट लिएको र पासपोर्ट हातमा राखेर पठाइदिएको बताए।
 
१२ जनामध्ये उनीहरुलाई नक्कली एमआरपी बनाइदिने २ समूहमा रहेका नेपालीहरु छन्। एउटालाई चन्द्रप्रताप श्रेष्ठ र अर्कालाई गोरखा होटलका संचालकको समूहले सक्कली पासपोर्ट बिगारेर नक्कली फोटो टाँसिदिएका छन्।
 
बरामद भएका सक्कली पासपोर्ट केही मलेसिया दूतावासबाट समेत जारी भएको पाइएको छ। सक्कली पासपोर्ट एजेन्टको हातमा कसरी प¥यो, ती सक्कली पासपोर्टधारी कहाँ छन् यस विषयमा पनि अनुसन्धान भइरहेको न्यौपानेले बताए। उनका अनुसार मलेसियामा रहेको नेपाली दूतावासको पनि कमजोरी भेटिएको छ।
 
मलेसियाका लागि नेपाली राजदुत निरन्जनमानसिंह बस्नेतले दूतावासमा रबिन भन्ने कोही पनि कर्मचारी नभएको प्रष्ट पारे। मलेसियामा कामदार स्वदेश पठाउने एजेन्टहरु धेरै भएको र उनीहरुलाई पक्राउ गर्नुको विकल्प नभएको बताए। साथै उनले मलसियाको अध्यागमन विभागले उनीहरुलाई नेपाल जान कसरी अनुमति दिए भन्ने पनि शंकाको घेरामा रहेको बताए।
 
मलेसिया सरकारले अवैधानिक रुपमा रहेका कामदार फर्काउन दिएको समय गत डिसेम्बरमा सकिएको छ। ५५ हजारभन्दा बढी अवैध नेपाली कामदार स्वदेश फर्किए पनि अझै सोही संख्याको हाराहारीमा कामदार मलेसियामा नै लुकेर बस्दै आएका छन्।
 
अवैधानिक रुपमा बसेका कामदारलाई स्वदेश फर्काउन कोप्रासी भन्ने संस्थालाई अनुमति दिइएको थियो। तर जनवरीदेखि सो संस्था पनि बन्द छ। उसले प्रतिकामदार १२ सय ८० रिंगिटमा उठाइ स्वदेश पठाउने गर्दथ्यो। संस्था बन्द भएपछि एजेन्टहरुको हाबी भएको र कामदारसँग चर्को रकम लिने गरेको कोप्रासीका भोलेन्टियर राजु शर्माले बताए।
 
पासपोर्टमा नक्कली भिसा
१२ जनासँग रहेको एमाआरपीमा मलेसियाको नक्कली भिसा भेटिएको छ। एजेन्टहरुले नै भिसा लगाइएको एमआरपी आफूहरुलाई दिएको उनीहरुले बताए। एजेन्टले नेपालको विमानस्थलमा विदामा मलेसियाबाट आएको भन्नु भनेर सिकाएको उनीहरुले बताए।
 
अवतरण रातको समयमा
मलेसियाबाट नेपाल आएका उनीहरुलाई एजेन्टले रातको समयमा काठमाडौं ओर्लने गरेर विमान चढाएर पठाएका छन्।
 
एयर एसिया, मालिन्दो एयर, मलेसियन एयरलाइन्सबाट उनीहरु आएका हुन्। प्रायः रातको ९ बजेको समयमा काठमाडौं अवतरण हुने गरी जहाज चढेका छन्।
एजेन्टहरुले केहीलाई बंगलादेशको ट्रान्जिट बनाएर पनि पठाएका छन्। नेपालको विमानस्थलमा पक्राउ परे, नेपालीलाई बनाउन दिएको नभन्नु पनि उनीहरुले कामदारलाई सिकाएका छन्। उनीहरु आएका एयरलाइन्स कम्पनीको पनि मिलेमतो रहेको हुनसक्ने प्रहरीले आशंका गरेको छ।
 
यसरी पक्राउ परे
रामेछापका पदम धनुके सवा ८ बजे एयर एसियाबाट ल्याण्ड गरे । अध्यागमनका कर्मचारीलाई एमआरपी देखाए। अध्यागमनका कर्मचारीले फोटो, भिसा  हरे। अरु एमआरपीभन्दा बायो मेट्रिक पेज भएको पाना निकै बाक्लो जस्तो लाग्यो। राम्रोसँग नियाल्दा गमले बायोमेट्रिक भएको फोटो हुने पेज उप्कियो।
 
बिस्तारै उत्काएर हेर्दा अरुकै नाममा रहेको एमाआरपी प्रयोग गरिएको देखियो। एजेन्टले दुरुस्तै हुने गरी बायोमेट्रिक पेज बनाएका थिए। त्यही पेजमा नक्कली पेज गम लगाएर टाँसेका थिए। अध्यागमनका कर्मचारीले उनलाई नियन्त्रणमा लिए। मलेसियाबाट आएकालाई विशेष निगरानी गरे । सोही दिन ३ जना नक्कली एमआरपीसहित पक्राउ परे।

एमआरपी पनि नक्कली, ७० हजारदेखि १ लाख रुपैयाँमा किनबेच अब मलेसिया मै पासपोर्ट पाइने भो जानकारी को लाई सक्दो share गरिदिनुहोस

गिरोह नेपालदेखि मलेसियासम्मै, १२ नेपाली विमानस्थलबाट पक्राउ उच्च सुरक्षा प्रणाली अपनाएर बनाइएको मेसिन रिडेबल पासपोर्ट (एमआरपी) पनि नक्कली भ...

भारतमा अर्काे आतंकवादी हमलाः प्रहरीको भ्यान उड्यो, ७ जनाको मृत्यु

<img src="http://www.tajaheadlines.info/wp-content/uploads/2016/01/udea.jpg"><a href="http://www.tajaheadlines.info/wp-content/uploads/2016/01/udea.jpg"></a>
काठमाडौं, १४ माघ । भारतमा बुधबार राति आतंकवादी हमला भएको छ । 
विद्रोही माओवादीले झारखण्डमा पर्ने पलामूको छतरपुर–जपला रोड नजिकैको काला पहाडी गाउँमा प्रहरीको गाडी बलमे उडाइएदिएका छन् । यो घटनामा सात जना प्रहरी अधिकारी मारिएको भारतीय च्यानल आजतकले जनाएको छ । घटनामा ६ जना घाइते भएका छन् । 
ज्यान गुमाउनेमा एक हवलदार, एक चौकीदार, चार कान्स्टेबल र एक ड्राइभर रहेका छन् । घाइते भएका प्रहरी अधिकारीको अवस्था गम्भीर छ । विद्रोही माओवादीले प्रहरीको हतियार समेत लुटेर लगेका छन् । 
आईजी एमएस भाटियाले घटनामा ७ प्रहरी अधिकारी मारिएको बताए । प्रहरीको ४०७ नम्बरको कारलाई बमले उडाइएको थियो । त्यसमा सवार प्रहरी अधिकारी मारिएका हुन् । तीनको जनाको अवस्था भने अज्ञात रहेको छ । उनीहरुलाई विद्रोही माओवादीले अपहरण गरेको हुनसक्ने आशंका गरिएको छ । 
प्रहरी मुख्यालयका प्रवक्ता एडीजी एसएस प्रधानले पलामू प्रमण्डलका डीआइजी साकेत सिंह र एसपी कन्हैया मयूर पटेल घटनास्थल पुगिसकेको बताए । घाइते प्रहरीअधिकारीलाई उपचारका लागि हेलिकप्टरबाट मेदिनीनगर लगिएको बताइएको छ । 
बुधबार भएको यो घटना लामो समयपछि भएको हो । यसअघि विद्रोही माओवादीले वर्ष २०१४ मा लोकसभा चुनावको अन्तिम चरणमा दुमकामा ल्याण्ड माइन ब्लास्ट गरेका थिए । जसमा कांग्रेस आईका केन्द्रीय नेता समेत मारिएका थिए । 
यस्तै भर्खरै मात्र पञ्जाबको पठानकोटमा आतंकवादी हमला हुँदा ७ जना प्रहरी मारिएका थिए । 
dainiknepal

भारतमा अर्काे आतंकवादी हमलाः प्रहरीको भ्यान उड्यो, ७ जनाको मृत्यु

काठमाडौं, १४ माघ । भारतमा बुधबार राति आतंकवादी हमला भएको छ । विद्रोही माओवादीले झारखण्डमा पर्ने पलामूको छतरपुर–जपला रोड नजिकैको काला पहाडी...

साउदी अरेवियालाई ढुङ्गे युगमा फर्काइदिने रुसको चेतावनी

१४ माघ, एजेन्सी । रुसले साउदी अरेवियालाई ढुंगे युगमा पुर्‍याइदिने चेतावनी दिएको छ । रुसको एक समाचार पत्र ‘नोभाया गजेटा’का अनुसार राष्ट्रपत...

अचम्मको देश, जहाँ बहुविवाह नगरे जन्मकैदमा परिन्छ !

माघ १४ गते- 
नेपालमा कुनै पुरुषले एउटी श्रीमती हुँदाहुँदै अर्की ल्यायो भने के होला ? पक्कैपनि जेठी श्रीमतीले मुद्धा हाल्छिन् र बहुविवाह गर्ने श्रीमान् र श्रीमती हुँदाहुँदै आउने अर्की महिलाले पनि जेलको चिसो खानुपर्ने हुन्छ । 
तर अफ्रिकाको एउटा देशले हाम्रो देशको ठीक उल्टो नियम ल्याउँदै वहुविवाह नगर्ने पुरुषलाई जन्मकैद हुने व्यवस्था गरेको छ । सुन्दा पनि अचम्म लाग्न सक्ला तर यो सत्य हो । 
अफ्रिकी मुलुक एरिट्रिया सरकारले आफ्नो देशका पुरुषले अनिवार्य रुपमा कम्तिमा दुई महिलासँग विवाह गर्नुपर्ने व्यवस्था गरेको हो । 
यो देश र इथियोपियाबीच भएको युद्धको क्रममा धेरै पुरुषको मृत्यु भएपछि अहिले त्यहाँ पुरुषको संख्या निकै कम छ । 
महिलाको संख्या अत्यधिक र पुरुषको संख्या कम भएपछि त्यहाँको सरकारले हरेक पुरुषले कम्तिमा दुई महिलासँग विवाह गर्नुपर्ने नियम ल्याएको हो । 
बहुविवाह गर्न नमान्ने व्यक्तिलाई कठिन श्रमसहितको जन्म कैदको सजाय हुनेछ भने आफ्नो श्रीमानलाई बहुविवाह गर्नबाट रोक्ने महिलालाई पनि जन्म कैदको सजाय हुने भएको छ । 
जम्मा चालिस लाखको हाराहारीमा जनसंख्या रहेको एरिट्रियामा डेढ लाखभन्दा बढी पुरुषको युद्धका क्रममा मृत्यु भएको थियो । 
यो नयाँ नियमको महिला अधिकारकर्मीले भने यसले महिलाको स्वाभिमानमाथि प्रहार गरेको भन्दै विरोध गरेका अन्तराष्ट्रिय सञ्चारमाध्यमहरुले उल्लेख गरेका छन् । 

<div class="separator" style="clear: both; text-align: center;"> <a href="https://blogger.googleusercontent.com/img/b/R29vZ2xl/AVvXsEju_khvIVuKiLQkFpP0sgv0GR1ITVMCw2ZJsgK8QsfwXWBmD1sok3VXuiCNpudJZ3RfYrwq7eti0_bkSjCE7x5Ivp396IF6zFiKZYW10ULNDDeAtPYy_3J7IbCwY9GIXZx256jhFLGfCvg/s1600/images.jpg" imageanchor="1" style="margin-left: 1em; margin-right: 1em;"> <img border="0" src="https://blogger.googleusercontent.com/img/b/R29vZ2xl/AVvXsEju_khvIVuKiLQkFpP0sgv0GR1ITVMCw2ZJsgK8QsfwXWBmD1sok3VXuiCNpudJZ3RfYrwq7eti0_bkSjCE7x5Ivp396IF6zFiKZYW10ULNDDeAtPYy_3J7IbCwY9GIXZx256jhFLGfCvg/s640/images.jpg"> </a> </div>

अचम्मको देश, जहाँ बहुविवाह नगरे जन्मकैदमा परिन्छ !

माघ १४ गते- नेपालमा कुनै पुरुषले एउटी श्रीमती हुँदाहुँदै अर्की ल्यायो भने के होला ? पक्कैपनि जेठी श्रीमतीले मुद्धा हाल्छिन् र बहुविवाह ...

राजनीतिका दुई हाँस्य पात्र : जसले लोक हँसाए जनता रुवाए

<img src="http://www.khabardabali.com/wp-content/uploads/2016/01/Kp-and-baburam.jpg"><a href="http://www.khabardabali.com/wp-content/uploads/2016/01/Kp-and-baburam.jpg"></a>
समसामयिक नेपाली राजनीतिमा दुईजना ठट्यौला पात्रले बडो मजाक गर्ने गरेका छन् र सित्तैमा मनोरञ्जन पस्केका छन्, भूकम्पले क्षतविक्षत तुल्याएका र नाकाबन्दीले थङ्थिलो पारेका नेपालीहरुलाई । रुन्चे हाँसो हाँस्न विवश भएका नेपालीहरुलाई ओलीका उरन्ठेउला बकबास र बाबुरामका यमुनाको तिरबाट आयातित वाणीहरुले हुनसम्म रमाइलो परिहास प्रदान गरेका छन् भलै यी पात्र आफैंमा पृथक प्रवृतिको प्रतिनिधित्व गर्ने नै किन नहुन् ।
<blockquote>१५ घण्टा बत्तीबिहीन बनेका सर्वसाधारणले यस्ता काइते कथन कति पत्यार गर्लान् यो ओली महोदय नै जान्लान् । 

</blockquote>
 
ओलीले तुइनलाई तमाम पारेर पुल हाल्ने कसम खाएको प्रधानमन्त्री नियुक्त हुनासाथ हो परन्तु त्यो दिशामा उनले सिन्को भाँच्ने पनि लक्षण देखाएका छैनन् । हावाबाट बिजुली निकाल्ने अनि देश बिजुलीबत्तीको जगमगहाटले धपक्क बाल्ने तथा चुला–चुलामा ग्याँस पाइप पु¥याइदिने प्रतिज्ञाले पनि कम जग हँसाएनन् । मध्यरातमा गौंडा बथानेर एक सिलिण्डर ग्याँसको १० हजार तिरी सास धान्नुपर्ने जनता र १५ घण्टा बत्तीबिहीन बनेका सर्वसाधारणले यस्ता काइते कथन कति पत्यार गर्लान् यो ओली महोदय नै जान्लान् । तथापि उनले जुन उडन्ते कुरा गरेर कुर्सी बचाउने सोच बनाएका छन् त्यो उनको गफ जत्तिकै वाहियात छ ।
<blockquote>भोक लाग्ने बित्तिकै स्विच दबाए ओछ्यानमै खाना आउने प्रविधि जडान गर्छु जस्ता हवाइकल्पना पस्कन थाले भने मनोज गजुरेलदेखि हरिवंश आचार्यसम्म के गरेर जीविकोपार्जन गर्दा हुन् कुन्नि । 

</blockquote>
 
हावादारी हल्लाले मान्छे मन्त्रमुग्ध पार्ने जमाना गए भनेर उनलाई कुन परामर्शदाताले सल्लाह देलान् कुन्नि ! बोल्दाबोल्दै उनले भोली टोलटोलमा हवाइमैदान बनाउँछु, आकाशमा स्याउ खेती गरेर देखाउँछु, हरेक सहरी घरका छत र ग्रामीण छाप्राका आँगनमा हेलिप्याड निर्माण गर्छु, भोक लाग्ने बित्तिकै स्विच दबाए ओछ्यानमै खाना आउने प्रविधि जडान गर्छु जस्ता हवाइकल्पना पस्कन थाले भने मनोज गजुरेलदेखि हरिवंश आचार्यसम्म के गरेर जीविकोपार्जन गर्दा हुन् कुन्नि । विषय कम्ती रोचक छैनन् । जसले मधुमास काट्दा पनि जनतालाई एउटा ग्याँसको सिलिण्डर उपलब्ध गराउन सकेको छैन उसले चुलामा ग्याँस पाइप जडान गरिदिन्छु भन्छ भने त्यसको मानसिक सन्तुलनबारे सामान्यजनले आशङ्का गर्ने कि नगर्ने ?
 
<img src="http://www.khabardabali.com/wp-content/uploads/2016/01/madhab-atal.jpg"><a href="http://www.khabardabali.com/wp-content/uploads/2016/01/madhab-atal.jpg"></a>
लेखक
बुद्धको समयको कुरा हो– कसैले बुद्धलाई सोध्यो ‘विष के हो ?’ बडो शालीन मुद्रामा बुद्धले जवाफ दिए – ‘हर मानिसको जिन्दगीमा आवश्कताभन्दा बढी हुने हरचीज विष हो– चाहे त्यो तागत होस् वा लालच ; भोक होस् वा भोजन ; धन होस् वा अभिमान ; आलस्यता होस् वा महत्वाकाङ्क्षा ; प्रेम होस् वा घृणा ।’ कतै हाम्रा प्रधानमन्त्री महोदयलाई यस्तै भएको त होइन ? ज्यास्ती अभिमानले पूर्णरुपेण गाँजेको त होइन ? अन्यथा ‘धाकभन्दा धक्कु ठूलो, हिँड्न लाग्यो खुट्टा लुलो’ किन हुन्थ्यो होला र । भनिन्छ, धान पाके निहुरिन्छ, कोदो पाके ठाडो रहन्छ । कतै कोदो पाकेकै रवैया हो उनको भनेर भुइँमान्छेहरुले किन नबुझ्ने ? सामान्य कथनको पनि हेक्का नहुनेले के ठेक्का लिएको होला सिङ्गो राष्ट्रको ? उनलाई हेर्दा यस्तो आभास हुन्छ कि डेभिडसन्ले भनेझैं समस्या रित्तो खल्ती किमार्थ होइन रहेछ बरु समस्या त रित्तो मस्तिष्क र रित्तो हृदय पो रहेछ । यदि यस्तो हुँदैनथ्यो भने उनी अस्थायी पालमा जीवन गुजारेका पीडित जनहरु हिउँको छानामुनि सन्त्रस्त जिन्दगी जिएका बेला उनीहरुको संवेदनामा अमिट चोट पर्ने गरी उटपट्याङ् बात बोल्दैनथे होला । यी सर्वोच्च सारथिलाई हे¥यो भने यस्तो भान हुन्छ मानौंकि दुनियाँमा मान्छेले लगभग सबथोक भेट्टाउँछ, भेट्टाउँदैन भने फगत आफ्नो गल्ती भेट्टाउँदैन ।
<blockquote>अन्यथा ‘धाकभन्दा धक्कु ठूलो, हिँड्न लाग्यो खुट्टा लुलो’ किन हुन्थ्यो होला र । भनिन्छ, धान पाके निहुरिन्छ, कोदो पाके ठाडो रहन्छ । 

</blockquote>
 
झण्डैझण्डै यही अनुपातका संवेदनहीन अर्का पूर्व सारथि देखिएका छन् जो आफू त कहिल्यै हाँस्दैनन् परन्तु राजनीतिक क्षेत्रलाई भने धेरथोर हँसाइरहेका छन्, विगत केही समय यता । अरविन्द केजरीवालको मार्गलाई आदर्श मान्दै आत्मसात गर्न तम्सेका यिनी ताउलो, कुम्लो बोकेर त्यतैतिर दौडेका छन् यतिखेर उनकै भाषाको लिगलिगे दौड ।
<blockquote>विद्यावारिधि प्रमाणपत्रधारीले आफ्नो अढाई दशक बिताएको पूर्व पार्टीलाई बाटो बिराएको संज्ञा दिएका त छन् 

</blockquote>
 
एक दशक चलेको नेपाली जनताको मुक्तियुद्धलाई ‘नेपाली समाजमा गडेर रहेका अनेकौं विभेदलाई चकनाचुर पारेर समतामूलक, समावेशी समाज सिर्जना गर्ने राजनीतिक आन्दोलन, स्विकारेका यी विद्यावारिधि प्रमाणपत्रधारीले आफ्नो अढाई दशक बिताएको पूर्व पार्टीलाई बाटो बिराएको संज्ञा दिएका त छन् तर आफ्नो नयाँ शक्तिको दर्शन र सिद्धान्त भने मुलुकको कायापलट हो मात्र भनेका छन् । त्यस्तो कायापलट गर्ने ब्रहास्त्र भने कहींकतै बकेका छैनन् ।
निकै मिठो ढङ्गले ‘समावेशी लोकतन्त्र नयाँ शक्तिको मूल राजनैतिक दर्शन, समावेशी विकास मूल आर्थिक दर्शन, सुशासन र सदाचार जीवनशैली एवं भ्रष्टाचारमुक्त समाजको परिकल्पना मूल मन्त्र’ भएको सगर्व घोषणा गरेका उनले त्यो प्राप्त गर्ने विधि भने ओलीको हावाबाट निकाल्ने बिजुलीभन्दा कुनै मानेमा पनि पृथक भेटिन्न । पूर्व पार्टीलाई भ्रष्टाचारी करार गरेका उनका अधिकांश अनुयायी कहीं न कहीं गन्हाएका व्यक्तिहरु छन् जसको छत्रछायाँमा उनले भ्रष्टाचारमुक्त समाजको परिकल्पना गरेका छन् ।
उनकी आफ्नै जीवनसङ्गीनीले त्यस्ता पात्रहरुको नेतृत्व गरेकी थिइन् भनेर प्रचारवाजीमा आएका कुरालाई उनले कहींकतै खण्डन गरेको भेटिन्न । फेरि उनी कुन दर्शन वा वादको टेको टेकेर यी यावत् कुराको परिकल्पना गरेका होलान् भनेर कसैले सुइँकोसम्म पाएका छैनन् । हावामा हजारौं महल खडा गर्न तम्सेका उनका हवाइकल्पनालाई पत्यार गरिहाल्ने आधार नभएकै कारण उनले न्युक्लियस घोषणा गरे पनि पार्टी घोषणा गर्न आनाकानी गरेका हुन सक्छन् । पार्टीमा रहँदा सधैं दाहिने मेलो लिने गरेका यिनले कुन दर्शनलाई आधार बनाएर पार्टी गठन गर्ने भन्नेमा आफैं कुहिराको काग बनेको अनुमान गर्न पनि हम्मे पर्दैन ।
<blockquote>पार्टीमा रहँदा सधैं दाहिने मेलो लिने गरेका यिनले कुन दर्शनलाई आधार बनाएर पार्टी गठन गर्ने भन्नेमा आफैं कुहिराको काग बनेको अनुमान गर्न पनि हम्मे पर्दैन । 

</blockquote>
 
गोरेटोविनाको गन्तव्य दुर्घटित हुने आकलन गरेकैले हुनसक्छ एक समय जुन तहको उनको चुरीफुरी र ताउरमाउर देखिन्थ्यो अहिले त्यो ओरालिएको अनुभूत हुन्छ । लगभग १५ हजार नेपाली सपूतहरुको बलिदानलाई दुत्कारेर कोर्न खोजेको मार्गचित्र कति समावेशी लोकतन्त्रको पहरेदार बन्ने हो त्यो त समयले बताउला परन्तु एउटा कुरा चाहिँ पक्कापक्की छ कि देशलाई अस्थिर पार्न चाहने नेपथ्यका नायकहरु उनको यो कदमबाट भारी पुलकित हुनेछन् ।

राजनीतिका दुई हाँस्य पात्र : जसले लोक हँसाए जनता रुवाए

समसामयिक नेपाली राजनीतिमा दुईजना ठट्यौला पात्रले बडो मजाक गर्ने गरेका छन् र सित्तैमा मनोरञ्जन पस्केका छन्, भूकम्पले क्षतविक्षत तुल्याएका र ...

बाबुरामको डेरामा संसाँझै बबाल

<img src="http://www.ratopati.com/wp-content/uploads/2016/01/Baburam-Bhattarai-1.jpg"><a href="http://www.ratopati.com/wp-content/uploads/2016/01/Baburam-Bhattarai-1.jpg"></a>काठमाडौं – पार्टी गठन भइनसक्दै बाबुराम भट्टराईको नयाँ शक्ति नेपालमा चर विवाद चर्किएको छ । आइतबार केन्द्रीय परिषद्का नाममा सेलिब्रेटिज , डाक्टर र गैरसरकारी संस्थानका मानिसलाई मात्र समेटेर पार्टी सार्वजनिक गरेपछि तिमी र हामी भन्दै चर्काचर्की परेको हो । सो दिन बिहानै रामेश्वर खनालसहित केही नयाँ अनुहारका मानिससँग बसी बाबुरामले ३५ सदस्यीय केन्द्रीय परिषद् छनोट गरेका थिए । छनोटका क्रममा एमाओवादी केद्रीय समितिलाई छाडेर उनैलाई सर्वेसर्वा मानेर आएको पूर्वमाओवादी नेतालाई सहभागी गराइएको थिएन । तर, उनीसँगै सुरु देखिनै नयाँ शक्ति निर्माण संलग्न २९ जना पूर्वमाओवादी केन्द्रीय सदस्यलाई भने दर्शकदीर्घामा समेटिएको थियो ।
पार्टीको नामसहित केन्द्रीय परिषद् घोषणा हुनासाथ दर्शकदीर्घामा बसेर आफूहरु पनि समेटिने आशामा टोलाइरहेका पूर्वमाओवादी केन्द्रीय सदस्यहरुको नाम आएन । यसपछि त त्यहाँ बितण्डा नै सुरु भयो । उनीहरुले एकापसमा चरम असन्तुष्टि र निराशा व्यक्त गर्न थाले । उनीहरुकै पहलमा साँझ ४ बजे एमाओवादी केन्द्रीय समितिबाट छुट्टिएका २९ भाइको भट्टराई निवास सानेपामै आकस्मिक बैठक बोलाइयो । बैठकको सुरुदेखि नै केन्द्रीय परिषद्मा नसमेटिएकाले आक्रामक ढंगले बाबुरामलाई गाली गर्दै भनाइ राखे । उनको यस्तो शैलीले राजनीतिक पार्टी होइन, फिल्म निर्माण उद्योग बन्ने धारणा आयो । आजको जनआस्था साप्ताहिकमा खबर छ ।
- See more at: http://www.ratopati.com/aakhabar/28219/#sthash.gzAMdwVO.khMNqgMX.dpuf

बाबुरामको डेरामा संसाँझै बबाल

काठमाडौं – पार्टी गठन भइनसक्दै बाबुराम भट्टराईको नयाँ शक्ति नेपालमा चर विवाद चर्किएको छ । आइतबार केन्द्रीय परिषद्का नाममा सेलिब्रेटिज , ...

भारतद्वारा नाका नखाेल्ने संकेत

<img src="http://nagariknews.com/media/k2/items/cache/43e4faf41c04409608e8ee0fc89eae51_L.jpg">भारतीय राजदूत रणाजीत राय
काठमाडौं— सरकारले प्रतिबद्धता जनाएअनुसार मधेसी मोर्चाको माग संविधान संशोधनमार्फत पूरा नभएसम्म नाकाबन्दी नखोल्ने संकेत भारतले गरेको छ। नयाँ संविधान जारी भएलगत्तै विगत चार महिनादेखि नेपालमाथि नाकाबन्दी लगाउँदै आएको भारतले स्पष्ट रुपमा बाँकी मुद्दा पनि सम्बोधन गर्न सरकार र प्रमुख राजनीतिक दललाई आग्रह गरेको छ।
'नेपाल–भारत नाकामा अवरोध मधेसी मोर्चाले गरेको हो,' सोमबार राजधानीमा अयोजित 'नेपाल–भारत सम्बन्ध र चुनौती' विषयक अन्तक्र्रियामा नेपालका लागि भारतीय राजदूत रणाजीत रायले भने, 'सरकारले गरेको संविधान संशोधन सकारात्मक छ। बाँकी मुद्दा पनि यसैगरी रचनात्मक तरिकाले सम्बोधन होस्।'
अब नेपाल सरकारले सम्बोधन गर्नुपर्ने बाँकी मुद्दा के–के हुन्, त्यो पनि बताइदिनोस् न ? पत्रकारहरुको जिज्ञासामा राजदूत रेले भने, 'जुन निर्णय मन्त्रिपरिषदले गरेको थियो, हामीलाई त्यही थाहा छ।'
उपप्रधान तथा परराष्ट्रमन्त्री कमल थापा दोस्रो भारत भ्रमणबाट फर्केलगत्तै बसेको मन्त्रिपरिषद बैठकले गत पुस ५ गते मधेसी मोर्चाको माग सम्बोधन गर्न तीन वटा प्रस्ताव पारित गरेको थियो। तीन बुँदामध्ये एउटा बुँदा उल्लेख गरेका मुद्दालाई शनिबार संसदले संविधानको तीन वटा धारा संशोधन गरी सम्बोधन गरेको थियो। संविधान संशोधनलगत्तै नाकाबन्दी खुल्ने आशा सरकार र प्रमुख राजनीतिक दलले गरेका थिए। मन्त्रिपरिषदले तीनबुँदे प्रस्ताव पारित गर्दा त्यसको स्वागत गरेको भारतले संविधान संशोधनलाई भने सकारात्मक कदम मात्र भनेको छ र बाँकी मुद्दा त्यसैगरी सम्बोधन गर्न आग्रह गरेको छ।
मन्त्रिपरिषदले पारित गरेको पहिलो बुँदामा राज्यका निकायमा समानुपातिक समावेशी सहभागिता सुनिश्चित गर्ने, प्रत्येक जिल्लामा कम्तीमा एक निर्वाचन क्षेत्र कायम रहने गरी जनसंख्याका आधारमा निर्वाचन क्षेत्र निर्धारण गर्ने उल्लेख थियो । दोस्रो बुँदामा प्रदेश सीमांकन गर्न राजनीतिक संयन्त्र गठन गरी ३ महिनाभित्र सुझावसहितको प्रतिवेदन दिने लेखिएको थियो । नागरिकता लगायत अन्य माग वार्ता र सहमतिका आधारमा उचित समाधान खोज्ने तेस्रो बुँदामा उल्लेख थियो ।
यसैबमोजिम मधेसी मोर्चाको समावेशी समानुपातिक सहभागिता र निर्वाचन क्षेत्र निर्धारण गर्नुपर्ने प्रमुख मागलाई सम्बोधन गर्न शनिबार संसदले संविधानको धारा ४२, ८४ र २८६ संशोधन गरेको थियो । 'संवादमार्फत समस्या सुल्झाउनुपर्छ भन्ने भारतको चाहना हो । नेपाल सरकारले सकारात्मक कदम उठाएको छ, हामी खुसी छौं । समस्याहरु वार्ता र इमानदारीसाथ समाधान गर्नुपर्छ, किनकि हामीसँग अर्को विकल्प पनि छैन । नत्र तनाव बढ्छ, हिंसा बढ्छ,' राजदूत रेले भने ।
नेपालमा हुने कुनै पनि आन्दोलनमा भारतलाई जबर्जस्ती तानी त्यससँग जोड्ने गरिएको आरोप उनले लगाए । भारत नेपालमा यो चाहन्छ, ऊ चाहन्छ जस्ता प्रचारबाजी सधंै सुनिने गरेको उल्लेख गर्दै राजदूत रेले भने, 'अब सोध्ने बेला आएको छ– नेपाल भारतसँग के चाहन्छ ?' उनले नेपालले भारतसँग के चाहन्छ भन्ने नबुझे पनि भारतले भने नेपालमा शान्ति र विकास चाहेको बताए ।
छिमेकमा हुने अस्थिरता अझ सीमानजिक हुने अस्थिरताले भारतको विकासमा समेत नकारात्मक प्रभाव पार्ने धारणा राजदूत रेको छ । 'अहिले भारतको विकास गति ७.५ छ । हामी विकास गतिलाई डबल डिजिटमा लैजान चाहन्छौं । छिमेक (नेपाल) मा अस्थिरता हुन्छ भने कसरी डबल डिजिटमा जान सक्छौं । यसकारण नेपालमा स्थिरता होस् भन्ने चाहना हाम्रो छ,' राजदूतले स्पष्ट पारे ।
नेपाल र भारत दुवै विकास केन्द्रित हुनुपर्ने उनले जनाए । समस्याबाट बाहिर निस्केर अर्थतन्त्रलाई दौडाउनुपर्ने उनले औंल्याए । नेपाल अल्पविकसित राष्ट्रको सूचीमा रहनुपर्ने कुनै कारण नभएको उनले बताए । उनले भने, 'नेपाल र भारतले संयुक्त रुपमा विकास किन गर्न सकेका छैनन् ? किन जलविद्युत योजना बन्न सकेका छैनन् ? भौगोलिक रुपमा नेपालले भारतसँग सहकार्य नगरी सुखै छैन । यसमा विचार गर्नुपर्छ ।'
उनले अर्थतन्त्रलाई राजनीतिबाट अलग गरी हेर्नुपर्ने बताए । भारतको कुरा निस्कनेबित्तिकै नेपालमा राजनीति जोडिने गरेको प्रति उनले असन्तुष्टि व्यक्त गरे । 'तपाईं इतिहास हेर्नुहोस् । पञ्चायत आयो, नेपाली कांग्रेस निर्वासनमा गयो । माओवादी आयो, भारतले सहयोग ग¥यो भनियो । त्यसपछि मधेस आन्दोलन भयो, भारतले सहयोग ग¥यो भनिन्छ । कुनै पनि सामाजिक आन्दोलन हुन्छ भने भारत जोडिन्छ । यो बुझाइलाई बढावा मिल्यो भने सम्बन्धमा समस्या आउँछ,' राजदूत रेको धारणा छ ।
राजदूत रेपछि कार्यक्रममा उपप्रधान तथा परराष्ट्रमन्त्री कमल थापाले भारतमा नेपालबारे केही 'पर्सेप्सन' छन् भने त्यसलाई स्पष्ट पारेर अघि बढ्नुपर्ने बताए। 'भारतमा नेपालप्रति सद्भाव र स्नेह राख्नेको कमी छ जस्तो लाग्दैन । त्यो स्तरको विश्वासलाई कायम राख्नसक्नु नै अहिलेको आवश्यकता हो,' परराष्ट्रमन्त्री थापाले जवाफ दिए।
भारतले नेपालको नयाँ संविधान समावेशी नभएको भन्दै असन्तुष्टि जनाउँदै आएकोप्रति इंगित गर्दै उनले नयाँ संविधान जारी भएपछि नेपाल आर्थिक विकास र समृद्धिको नयाँ युगमा प्रवेश गरेको बताए । उनले भने, 'कुनै पनि देशले जारी गरेको संविधान सतप्रतिशत पूर्ण हुँदैन । संविधान जीवन्त र गतिशील भएकाले परिमार्जन गर्दै लान सकिन्छ ।' पछिल्ला दिन नेपाल–भारत सम्बन्धमा देखिएका काला बादल हट्दै फेरि न्यानोपन विकास भइरहेको परराष्ट्रमन्त्री थापाले बताए ।
अन्तक्र्रिया कार्यक्रममा नेपाली कांग्रेसका उपसभापति रामचन्द्र पौडेलले नेपाल–भारत सम्बन्धमा 'विश्वासको संकट' भएको जनाए । राजनीतिक नेतृत्वले स्पष्ट पारदर्शी व्यवहार गरी समझदारी विकास गरे यो संकट हट्ने धारणा उनको छ। कार्यक्रममा कांग्रेसको विदेश विभाग प्रमुख तथा पूर्व परराष्ट्रमन्त्री सुजाता कोइरालाले पनि नेपाल–भारत सम्बन्धमा धारणा राखेकी थिइन् ।

भारतद्वारा नाका नखाेल्ने संकेत

भारतीय राजदूत रणाजीत राय काठमाडौं— सरकारले प्रतिबद्धता जनाएअनुसार मधेसी मोर्चाको माग संविधान संशोधनमार्फत पूरा नभएसम्म नाकाबन्दी नखोल्ने सं...