सेतो पोस्ट

अबको नयाँ सरकारका गृहमन्त्री रमेश खरेल !

दैनिक नेपाल २०७२ साउन १२ गते ९:२७ 
काठमाडौं, १२ साउन । नेपाल प्रहरीका चर्चित एसएसपी रमेश खरेललाई निकै इमान्दार अफिसर मान्ने गरिन्छ । 
पछिल्लो समय गुमनाम बनेका खरेल क्षेत्रीय प्रहरी तालिम केन्द्र भरतपुरमा तालिम दिएर बसिरहेका छन् । अपराधीको अखडा नै समाप्त पार्ने खरेलले नेतालाई पनि छाडेका छैनन् । केही दिनपहिले उनले नेपालका नेताहरुलाई जनताको भाषामा चेतावनी दिएको खबर दैनिक नेपालले प्रकाशित गरेको थियो । जुन १ लाख बढीले पढेका छन् । जसमा धेरै खरेललाई राजनीतिमा आउन सुझाव दिएका छन् । 
उनको त्यो चेतावनीपछि कतिपयले अबको नयाँ सरकारमा गृहमन्त्रीको रुपमा उनलाई प्रस्ताव गरेका छन् । देश संविधान निर्माण प्रक्रियामा रहेका बेला नेताहरुले आलटाल गर्न खोजेको भन्दै ‘अब नि जनताले हेरेर बस्ने छैनन्’ भनेर उनले जनताको भाषामा चेतावनी दिएका थिए । 
यो चेतावनीपछि उनका समर्थकहरुले नयाँ संविधानपछिको नयाँ सरकारमा रमेश खरेललाई गृहमन्त्री बनाउन सुझाव दिएका छन् । भने, कतिपयले जागिरबाट अवकाश पाएपछि राजनीति गर्न सुझाव दिएका छन् । केहीले त प्रहरी प्रमुख हुन आग्रह गरेका छन् । 
सुदाम थापा लेख्छन्-‘रिटायर पछि राजनीति गर्नुपर्छ सर, अनी गृहमन्त्री बनेर देशलार्इ चलाउनुपर्छ, अब सक्षम व्यक्तिहरु राजनीतिमा आउनुपर्छ, नेपाल आमा को जय होस्।’ 
नरबहादुर केसी लेख्छन्-‘देशभक्ति निष्ठावान निस्वार्थी क्रान्तिकारी विचारधारा भाको राष्ट्रसेवक यो देशका नेताको लागि सौताको छोरो मुटुको किलो भने जस्तै हुन्छ । रमेश खरेल एकपटक प्रहरी प्रमुख हुनुपर्छ तब सुध्रिन्छ देश ।’ 
विन्दास लेख्छन्-‘रमेश खरेल जस्तो देश भक्तहरु नेपाल आमाको लागि खाँचो छ ।’ अरुण पाण्डक लेख्छन्-‘नेपालको राजनीति क्षेत्रमा तपाईं जस्तो मानिसको ठूलो खाँचो छ । कृपया अवकाशपछि राजनीतिमा सक्रिय भई अहिलेका जस्ता विदेशी प्रभूहरूको ईशारामा नाच्ने नेता भनाउँदाहरूलाई पाखा लगाई देश र जनताको सेवा गर्नु होला । अग्रिम शुभकामना ।’ 
गुणा बर्मा लेख्छन्-‘हजारौं नेता होइन् १० रशेम खरेलको आवश्यकता छ नेपालमा ।’ धोज धानुक लेख्छन्-‘देशमा प्रत्यक्ष कार्यकारी निर्वाचित प्रधानमन्त्री वा राष्ट्रपति भए रमेश खरेललाई बनाउनुपर्छ ।’ 
छत्र श्रेष्ठ लेख्छन्-‘यहाँ हजुरको छ खाँचो खरेल जी जोगाउ यो देशको माटो । खोजी राछ हजुरलाई यो देश ले ।’ ऋषिकेश अधिकारी लेख्छन्-‘यस्ता भ्रस्टचारी नेताहरुलाई तह लगाउन को लागि तपाईं जस्तो स्वच्छ छवी भएको इमान्दार नेपालको सपूतको यो देशलाइ खाचो छ । तपाईं रिटायर भएपछि राजनीतिमा आएर यस्ता विदेशीको दलाललाई ठिक पार्नु पर्दछ । जय देश जय नेपाल ।’ 
सुरज बस्याल लेख्छन्-‘होसियार दलालहरु रमेश खरेलको फन्दाबाट । नेता होस् या आम् जनता । रिटायरपछि राजनीति गर्नुपर्छ सर, अनी गृहमन्त्री बनेर देशलार्इ चलाउनु पर्छ, अब सक्षम व्यक्तिहरु राजनीतिमा आउनुपर्छ, नेपाल आमा को जय होस् ।’ 
मिलन गुरुङ लेख्छन्-‘सलाम छ सर हजुरलाई । अब रिटाएर भएपछि राजनीतिमा आउनुहोस हामीलाई हजुर जस्तै कडा अनि देशभक्त नेताको खाँचो छ । गृहमन्त्रीको पदमा आउनुहोस चुनाव लड्नुहोस् ।’ 
टेकप्रसाद घिमिरे लेख्छन्-‘नियम र कानुन मिचेर मनोमानी गर्ने र देश टुक्रयाउने खेलमा लागेका अनि भ्रष्टाचारीमा लागेर राज्यको ढुकुटी स्वाहा पार्नमा लागेका भ्रष्ट र विखण्डनकारी नेपालमा वसेर खाएर अरु कसैको गुणगान गाउन पल्केका राष्ट्रघातीहरुलाई कारवाहीको दायरामा ल्याउनु यहाँ जस्तो इमान्दार कर्तब्यनिष्ट सक्षम देश र जनताका सेवामा अहोरात्र खट्ने राष्ट्र सेवकले अब केही गर्नै पर्ने वेला आएको छ यसमा हाम्रो पनि साथ रहने छ ।’ 
रमेश खरेलको समर्थनमा आएका यी सुझाव र विचार हेर्दा अब उनलाई प्रहरीको जागिर भन्दा पनि राजनीति गर्नु जरुरी छ । प्रहरीमा जागिर खाँदा अगाडि बढ्न नदिने भएकाले राजनीतिमा आएर देशको नेतृत्व लिन समेत समर्थकले सुझाव दिएका छन् । 
नयाँ संविधान बन्ने क्रममा अहिले प्रत्यक्ष कार्यकारी निर्वाचित प्रणालीका लागू गर्ने विषयमा बहसमै छ । यदी यो बहस सार्थक भए रमेश खरेल गृहमन्त्रीदेखि प्रधानमन्त्रीसम्म बन्ने बाटो खुल्ने छ । देशको नेतृत्व दिएर भ्रष्टाचार र अपराधलाई सशक्तरुपमा नियन्त्रण गर्न सफल हुने समर्थकहरुको विश्वास छ ।
<div class="separator" style="clear: both; text-align: center;"> <a href="https://blogger.googleusercontent.com/img/b/R29vZ2xl/AVvXsEh7voGrmTaVkTQc_0pMYFqtNHRkUL0MpCSsp_S_BMcEFeACspmMQ0F6md2jbgtdOQ3tOckYOwvRnvex9UrLbUtDRYmav8zlOWaAA6TnQAGmsbzl9BPycZS7qp97-8KPVtkOe-vIrk3I4Ns/s1600/ramesh-kharel1.jpg" imageanchor="1" style="margin-left: 1em; margin-right: 1em;"> <img border="0" src="https://blogger.googleusercontent.com/img/b/R29vZ2xl/AVvXsEh7voGrmTaVkTQc_0pMYFqtNHRkUL0MpCSsp_S_BMcEFeACspmMQ0F6md2jbgtdOQ3tOckYOwvRnvex9UrLbUtDRYmav8zlOWaAA6TnQAGmsbzl9BPycZS7qp97-8KPVtkOe-vIrk3I4Ns/s640/ramesh-kharel1.jpg"> </a> </div>

अबको नयाँ सरकारका गृहमन्त्री रमेश खरेल !

दैनिक नेपाल २०७२ साउन १२ गते ९:२७ काठमाडौं, १२ साउन । नेपाल प्रहरीका चर्चित एसएसपी रमेश खरेललाई निकै इमान्दार अफिसर मान्ने गरिन्छ । पछिल्...

गलत हल्लाले काठमाडौं जानै डर

विराटनगर, साउन १२ – भारत राजस्थानका श्रीचन्द्र बेगवानी ३ महिनाको बन्दोबस्तीसहित विराटनगर आएका छन् । ८३ वर्षीय बेगवानीसँगै श्रीमती कमलादेवी र एकजना सहयोगी पनि छन् । नेपालमै पहिलोपटक हुन लागेको अन्तर्राष्ट्रिय चातुर्मासामा सहभागी हुन विराटनगर आएका उनलाई काठमाडौं जान भने डर लाग्छ । चातुर्मासमा सहभागी हुन ४ दिनअघि आइपुगेका राजस्थानका हनुमान डाँगा र सागर मल वैद पनि विराटनगरबाटै फर्किने योजनामा छन् । उनीहरु २ महिना विराटनगर बस्नेछन् । तर, नेपाल आइपुगेका बेला पशुपतिनाथको दर्शन गर्ने उनीहरुको चाहना अधुरै रहने भएको छ । मुम्बईका गुलाफ चन्दले पनि काठमाडौं घुम्ने योजना त्यागेका छन् । विराटनगरमा हुने चातुर्मासमा आएका बेला काठमाडौं र पोखरासम्म पुग्ने योजना उनले एक वर्षअघि नै बनाएका थिए । उनीहरुजस्ता हजारौं दर्शनार्थी चातुर्मासमा आउँदा पशुपतिनाथको दर्शन गर्न चाहन्थे । तर, वैशाख १२ को महाभूकम्पले पुर्याएको क्षतिपछि सबैले योजना परिवर्तन गरेका छन्, आजको कारोबार दैनिकमा खबर छ ।
<div class="separator" style="clear: both; text-align: center;"> <a href="https://blogger.googleusercontent.com/img/b/R29vZ2xl/AVvXsEiep0DcNXVNbG7cDWIvXAi9XzM8Z9T2XFH6jRNBsqjuiEI8WkGamX8tCu3RNUBQl5LJy9IENPvjjJ3m8vmo-C902V6te0QdH1lbIl5muKLALgX3N2hMQQzRGlHsPfMSfz6FLqTgjFOIiiY/s1600/nasa-1-1.jpg" imageanchor="1" style="margin-left: 1em; margin-right: 1em;"> <img border="0" src="https://blogger.googleusercontent.com/img/b/R29vZ2xl/AVvXsEiep0DcNXVNbG7cDWIvXAi9XzM8Z9T2XFH6jRNBsqjuiEI8WkGamX8tCu3RNUBQl5LJy9IENPvjjJ3m8vmo-C902V6te0QdH1lbIl5muKLALgX3N2hMQQzRGlHsPfMSfz6FLqTgjFOIiiY/s640/nasa-1-1.jpg"> </a> </div>

गलत हल्लाले काठमाडौं जानै डर

विराटनगर, साउन १२ – भारत राजस्थानका श्रीचन्द्र बेगवानी ३ महिनाको बन्दोबस्तीसहित विराटनगर आएका छन् । ८३ वर्षीय बेगवानीसँगै श्रीमती कमलादेवी ...

पूर्वपश्चिम राजमार्ग खुलाउन डाइभर्सन निर्माण सुरु, साँझसम्ममा एकतर्फी सवारी चल्ने

२०७२ साउन १२ गते ११:५८ 
कावासोती, १२ साउन । बढी भारका कारण भाँच्चिएको नवलपरासीको गैँडाकोटस्थित जयश्री पुलको दक्षिणतर्फबाट वैकल्पिक बाटो (डाइभर्सन) निर्माण सुरु भएको छ । 
हिजो पुल भाँच्चिएको १४ घन्टापछि आज डाइभर्सनको काम सुरु भएको हो । पश्चिमाञ्चल सडक डिभिजन कार्यालय बुटवलका प्रमुख इन्जिनियर दीपककुमार भट्टराईका अनुसार सडक कार्यालयका औजारहरु प्रयोग गरी डाइभर्सन बनाउन लागिएको हो । 
पूर्वपश्चिम राजमार्गअन्तर्गत नारायणगढ–बुटवल सडकखण्डअन्तर्गत गैँडाकोटस्थित जयश्री पुल सोमबार साँझ भाँच्चिएको थियो । पुल भाँच्चिदा पूर्व हिँडेका हजारौँ यात्रुले नवलपरासीको सडकमा रात बिताएका छन् । केही यात्रु भने पैदल ओहोरदोहोर गरेका छन् । 
स्थानीय सवारी साधानमार्फत बुटवल जाने यात्रु पुलबाट पश्चिम लागेका छन् भने पूर्व जाने यात्रु पैदल यात्रा गरेर खोला तरी नारायणघाटतर्फ लागेका छन् । आज साँझसम्ममा डाइभर्सन पूरा गरी एकतर्फी सवारी साधन सञ्चालनमा ल्याउँछौँ, प्रमुख इन्जिनियर भट्टराईले भन्नुभयो –“ह्युमपाइप र मेसिन आएका छन् अब कामको गतिले बेलुकासम्ममा ‘वान वे’ खुल्छ ।” 
पूर्वबाट पश्चिम जाने सवारी साधन गैँडाकोटमा रोकिएका छन् भने पश्चिमबाट पूर्वका लागि आएका सवारी साधन गैँडाकोटको थुम्सी, कावासोती, चोरमारा, बर्दघाट सुनवलमा रोकिएको जिल्ला प्रहरी कार्यालय नवलपरासीले जनाएको छ । टिपर र ट्रकले एकैसाथ बाटो पारगर्न खोज्ने क्रममा पुल भाँच्चिएको स्थानीयवासीले बताएका छन् । पुलको दायाँबायाँ रहेका फलामका पाताहरु भाँच्चिएर करिब पाँच फिट तल धस्सिएका छन् । 
पानी परेमा जुनसुकै बेला पनि डाइभर्सन बगाउन सक्ने भएकाले बेलीब्रिजको निर्माण गरिने भएको छ । पुलको मर्मत गर्न धेरै समय लाग्ने भएकाले बेलीब्रिज बनाउन लागिएको भटृराईले बताउनुभयो । 
डाइभर्सनको मात्र भर नपरौँ भनेर बेलीब्रिज बनाउन लागेका छौँ, उहाँले भन्नुभयो – “दस दिन जतिमा बेलीब्रिज बन्छ, त्यसले अलि सहज बनाउँछ ।” रासस
<div class="separator" style="clear: both; text-align: center;"> <a href="https://blogger.googleusercontent.com/img/b/R29vZ2xl/AVvXsEjQjLoaCRw092AjBGynZ9Ay_T5eR9T1NKXg1sxgihbCSOnEISRr2feINRW0HtRpSqX7aTovhUsUpgUjd05d7_EWdWFctelmeMwwju1zkXuz65DGextutLGiDLyMoPlp-QE72cYeVR5aXBw/s1600/nepali-paisa.jpg" imageanchor="1" style="margin-left: 1em; margin-right: 1em;"> <img border="0" src="https://blogger.googleusercontent.com/img/b/R29vZ2xl/AVvXsEjQjLoaCRw092AjBGynZ9Ay_T5eR9T1NKXg1sxgihbCSOnEISRr2feINRW0HtRpSqX7aTovhUsUpgUjd05d7_EWdWFctelmeMwwju1zkXuz65DGextutLGiDLyMoPlp-QE72cYeVR5aXBw/s640/nepali-paisa.jpg"> </a> </div><div class="separator" style="clear: both; text-align: center;"> <a href="https://blogger.googleusercontent.com/img/b/R29vZ2xl/AVvXsEiJfUlIuetUJDl3AVCTZ33rgevK2SbTEL-rf3t3hU9HoExzuPZ0dCIfrnu5Mg2ahgyiG2qcYBGS9mv4lZ6r2iPrttxVEHOyhT47jkH3QTFUHCRYSoUNLDm0fP9RbGaTsB3ZBXHUeVVmUHc/s1600/JayaShree-Bridge-650x369.jpg" imageanchor="1" style="margin-left: 1em; margin-right: 1em;"> <img border="0" src="https://blogger.googleusercontent.com/img/b/R29vZ2xl/AVvXsEiJfUlIuetUJDl3AVCTZ33rgevK2SbTEL-rf3t3hU9HoExzuPZ0dCIfrnu5Mg2ahgyiG2qcYBGS9mv4lZ6r2iPrttxVEHOyhT47jkH3QTFUHCRYSoUNLDm0fP9RbGaTsB3ZBXHUeVVmUHc/s640/JayaShree-Bridge-650x369.jpg"> </a> </div>

पूर्वपश्चिम राजमार्ग खुलाउन डाइभर्सन निर्माण सुरु, साँझसम्ममा एकतर्फी सवारी चल्ने

२०७२ साउन १२ गते ११:५८ कावासोती, १२ साउन । बढी भारका कारण भाँच्चिएको नवलपरासीको गैँडाकोटस्थित जयश्री पुलको दक्षिणतर्फबाट वैकल्पिक बाटो (डाइ...

६३ हजार पुगेको सुनको मूल्य किन घट्यो ? ‘बैंकको दादागिरीले कालोबजारी बढ्यो’

दैनिक नेपाल २०७२ साउन ११ गते १४:५३ 
– विश्वास खड्काथोकी 
काठमाडौं, ११ साउन । बिगत केही दिनदेखि सुनको मूल्यमा 
भारी गिरावट आएको छ । प्रति टोला ६३ हजार एक सय ५० रुपैयाँ पुगेको 
सुनको मूल्य शुक्रवार ४७ हजार रुपैयाँमा कारोवार भयो । सोमबार भने 
केही बढेर ४८ हजार पुगेको छ । 
नेपालको आन्तरिक कारणले सुनको मुल्यमा त्यति धेरै असर गर्दैन । अन्तर्राष्ट्रिय 
बजारसँगै नेपालमा पनि सुनको मुल्य तलमाथि हुने गर्दछ । अहिले अन्तर्राष्ट्रिय 
बजारमा सुनको मुल्य आठ वर्ष यताकै सस्तो बनेको छ । कारण, नेपालमा पनि सुन 
सस्तीयो । अन्तर्राष्ट्रिय बजारमा सुनको मूल्य केही बढेको 
कारण, नेपालमा पनि आइत र सोमबार सुनको मूल्य बढेको हो । 
तेलको मुल्यले पनि सुनको भाउ घटबढमा असर गर्दछ । केही समयदेखि 
तेलको मुल्य निरन्तर ओरालो लागेको कारण सुन पनि सस्तीएको छ । 
नेपाल सुनचाँदी व्यवसायी महासंघका अध्यक्ष मणिरत्न 
शाक्यले भने, ‘सुन उत्खननमा अत्याधिक तेलको आवश्यक पर्दछ । तेल र सुनको 
भाउ समानान्तर रुपमा जान्छ । तेल सस्तीएपछि सुनको मूल्य पनि स्वत 
सस्तीन्छ ।’ 
यसवर्ष चीनमा सुनको खपत कम हुनु पनि सुनको मुल्य घट्नुको एउटा 
कारण भएको अध्यक्ष शाक्य बताउँछन् । ‘विश्वमा सबैभन्दा बढी सुन 
खपत हुने देश चीन हो’, उनले भने, ‘सुरुमा चीनले जति 
सुन खरिद गर्ने भनेको थियो, पछि नीति परिवर्तन गरेर त्यति खरिद गर्न 
सकेन् । जसले गर्दा सुनको मूल्यमा भारी गिरावट आयो ।’ 
चीन सरकारले सुनमा कालोबजारी गर्नेहरुलाई 
छानीछानी कारवाहीको घेरामा ल्याएकाले पनि 
चीनमा कम सुन गएको हो । 
सुनको मूल्य घट्नुको अर्को कारण डलरको मुल्य पनि हो । डलर र सुनको मूल्य 
ठिक उल्टो हुन्छ । डलर बढ्दा सुन घट्छ र घट्दा सुनको मुल्य पनि बढ्छ । अहिले 
एक डलरको मूल्य एक सय दुई रुपैयाँ ७५ पैसा पुगेको छ । जसले गर्दा सुन घटेको 
हो । अमेरिकाको केन्द्रिय बैंकले डलरको मुल्य एक सय ३ सम्म पुग्न सक्ने र 
सुनको मूल्य ३० हजारभन्दा पनि तल झर्न सक्ने विश्लेषण गरेको छ । 
अमेरिककाको केन्द्रिय बैंकले निक्षेपमा ब्याज बढाउने प्रक्षेपण गरेपछि मानिसहरुमा 
सुनप्रतिको आकर्षण घट्दै गएको अध्यक्ष शाक्यले बताए । यो पनि सुनको मुल्य 
घट्नुको एउटा कारण भएको उनको तर्क छ । 
सुनको मूल्यमा भारी गिरावट आउनुमा केही आन्तरिक कारण 
पनि रहेका छन् । सरकारले यसै बजेटबाट सुनको भन्सारदर घटाएको छ । घटेको 
भन्सार साउन १ गतेबाट लागु भएको छ । त्यसयता सुनको मुल्य निरन्तर ओरालो 
लागेको छ । 
मूल्य घटेपनि व्यवसायीलाई नै सुन अभाव 
भूकम्पपछि घटेको सुनको व्यापारमा मुल्य घटेसँगै उत्साहजनक रुपमा बढेको छ । 
पसलमा ग्राहकको बस्ने ठाउँ समेत नभएको अध्यक्ष शाक्यले बताए । 
अहिले दिनमा तीस किलोभन्दा बढी सुन खपट भएको शाक्य 
बताउँछन् । ‘पसलमा ग्राहकले सुन खोसाखोस गरेका छन्’, उनले भने, ‘तर, बैंकले 
सुन नबेच्दा व्यवसायीहरुले ठूलो गहनाको अडर लिन सकिरहेका छैनन् ।’ 
अब कहाँ पुग्ला सुनको मुल्य ? 
नेपालमा कायम हुने मूल्यमा अन्तर्राष्ट्रिय बजारले निर्देशन हुँदा अहिले यसै भन्न 
सकिदैन । तर, सुनचाँदी व्यवसायी महासंघका अध्यक्षले 
केही हप्ता सुनमा त्यति ठूलो घटबढ नहुने बताए । 
उनले भने, ‘अगामी हप्ता सुनको मुल्य हजारौँले पनि बढ्दैन, घटेर ४५ 
हजारमा पनि पुग्दैन । एक दुई सय तलमाथि हुने हो ।’ 
सुनको भाउँ दुई थरी 
सोमबार सुनको मुल्य दुई दरी भएको छ । नेपाल सुनचाँदी 
व्यवसायी महासंघले प्रति टोला ४८ हजारमा कारोबार गरिरहेको छ भने, 
बैंकले भने पाँच सय रुपैयाँ बढी लिएको छ । 
ठूला बैंकले राष्ट्र बैंकको निर्देशनलाई नमानेर दादागिरी गरेको अध्यक्ष 
शाक्यले बताए । जसको कारण व्यवसायीलाई बैंकबाट सुन खरिदमा 
समस्या परेको समेत उनले बताए । बैंकले गर्दा सुनको कालोबजारी 
मौलाउँदै गएको शाक्यको आरोप छ ।
<div class="separator" style="clear: both; text-align: center;"> <a href="https://blogger.googleusercontent.com/img/b/R29vZ2xl/AVvXsEjjWe9UJShzOSbYDs9kTteVOeYEUN7npYxulpBrShENJC40PP4fRWwxpsb_r8aECKyC0wrRogUq3RfBRH169aDlGa5tN89FCMSA0yccarQ8TWXXR63lFpAeE_tNdQ3B_cjccXGf4RixjPE/s1600/Gold_Shot-650x421.jpg" imageanchor="1" style="margin-left: 1em; margin-right: 1em;"> <img border="0" src="https://blogger.googleusercontent.com/img/b/R29vZ2xl/AVvXsEjjWe9UJShzOSbYDs9kTteVOeYEUN7npYxulpBrShENJC40PP4fRWwxpsb_r8aECKyC0wrRogUq3RfBRH169aDlGa5tN89FCMSA0yccarQ8TWXXR63lFpAeE_tNdQ3B_cjccXGf4RixjPE/s640/Gold_Shot-650x421.jpg"> </a> </div>

६३ हजार पुगेको सुनको मूल्य किन घट्यो ? ‘बैंकको दादागिरीले कालोबजारी बढ्यो’

दैनिक नेपाल २०७२ साउन ११ गते १४:५३ – विश्वास खड्काथोकी काठमाडौं, ११ साउन । बिगत केही दिनदेखि सुनको मूल्यमा भारी गिरावट आएको छ । प्रति टो...

प्रचण्डलाई ‘सिध्याउन’ बाबुरामको यस्तो ‘षडयन्त्र’

दैनिक नेपाल २०७२ साउन ११ गते ७:५८ 
काठमाडौँ, ११ साउन । संविधान निर्माणलाई पहिलो प्राथमिकताम दिने की ? पार्टी विभाजन रोक्ने अभियानलाई पहिलो प्राथमिकता दिने भन्ने कुरामा एमाओवादी अध्यक्ष पुष्पकमल दाहाल प्रचण्ड दोधारमा परेका छन् । 
संविधान जारी नहुँदासम्म पार्टी विभाजन नगर्ने सहमति यसअघि नै अध्यक्ष प्रचण्ड र बरिष्ठ नेता बाबुराम भट्टराईबीच भएको थियो । तर, यी दुई नेताबीच भएको सहमतिले कुनै अर्थ राख्दोरहेनछ भन्ने कुरा हालै पुष्टी भएको छ । 
पोलिटब्यूरो सदस्य लोकेन्द्र विष्ट, हेमन्तप्रकाश ओली र केन्द्रीय सदस्य ध्रुव पराजुलीलेले पार्टी छोडेको सार्वजनिक घोषणा गरिसकेका छन् । तर, अध्यक्ष प्रचण्डसँग गम्भीर असहमति राख्दै आएका लेखराज भट्ट र गोपाल किराँतीले पार्टी छाडेको पुष्टि गरेका छैनन् । यी दुवै नेता यतिबेला पार्टीको सम्पर्कमा नहरेको एमाओवादी स्रोतले जनाएको छ । 
उता बाबुराम भने नयाँ पार्टी गठनको तयारीमा लागेको समाचार पनि आइरहेको छ । बाबुरामले नै प्रचण्डलाई एक्लो बनाउन केन्द्रीय नेताहरुलाई राजीनामा गराउन दबाब दिइरहेका छन् । राजीनामा दिएका नेता समेटेर नयाँ पार्टी खोल्ने मनस्थितीमा बाबुराम पुगेको स्रोतले बतायो । यद्यपी प्रचण्ड सच्चिएमा यस्तो नहुन सक्छ । तरुण साप्ताहिकमा खबर छ ।
<div class="separator" style="clear: both; text-align: center;"> <a href="https://blogger.googleusercontent.com/img/b/R29vZ2xl/AVvXsEg_WFPsQO1Y88fhokLBiL6xFVTYoIbrNV-yboy1zFk7DMUB_qWp9ozjUFUnk3tCcuzSf2M080ff61wcgDghG6xafBTdUINER7mrAzethi7YKmqcDzRuJLgdSXvy_OYRsx73nr74qAae7AY/s1600/Prachanda-Baburam1-1.jpg" imageanchor="1" style="margin-left: 1em; margin-right: 1em;"> <img border="0" src="https://blogger.googleusercontent.com/img/b/R29vZ2xl/AVvXsEg_WFPsQO1Y88fhokLBiL6xFVTYoIbrNV-yboy1zFk7DMUB_qWp9ozjUFUnk3tCcuzSf2M080ff61wcgDghG6xafBTdUINER7mrAzethi7YKmqcDzRuJLgdSXvy_OYRsx73nr74qAae7AY/s640/Prachanda-Baburam1-1.jpg"> </a> </div>

प्रचण्डलाई ‘सिध्याउन’ बाबुरामको यस्तो ‘षडयन्त्र’

दैनिक नेपाल २०७२ साउन ११ गते ७:५८ काठमाडौँ, ११ साउन । संविधान निर्माणलाई पहिलो प्राथमिकताम दिने की ? पार्टी विभाजन रोक्ने अभियानलाई पहिलो ...

यी ५ कुरा झुक्किएर पनि फेसबुकमा नहाल्नुस् ! जेल सजाय हुन सक्छ

फेसबुकले मानिसलाई धेरै सजिलो बनाइदिएको छ । मानिसहरुले यसको सही हिसाबले पनि प्रयोग गरेका छन् र दुरुपयोग पनि गरिरहेका छन् ।फेसबुक ट्वीटरमा जे पायो त्यही पोष्ट गर्ने वा सन्देश पठाउने मानिसहरु सावधान हुन जरुरी छ । सामाजिक सञ्जालका प्रयोगकर्ता बढेका र अपराध पनि बढ्दै गएकाले यसबारे विभिन्न कानुन बन्दै गएका छन् । केही समय पहिले भन्दा अहिले मानिसहरु सचेत पनि भएका देखिन्छन् । नक्कली अकाण्ट बनाउने, भद्दा र अश्लिल कमेन्ट गर्ने, आपत्तिजनक पोष्ट गर्ने, अनलाइनबाटै मानिसहरुलाई धम्काउने वा सताउने गर्छन् कतिपय मानिसले । आफ्नो फेसबुक हो भन्दैमा जे गर्न पनि पाइन्छ भन्ने ठान्नु भएको छ भने समस्यामा पर्नु होला । भविष्य नै बरवाद समेत हुन सक्छ । 
जोशमा होश नगुमाउनुस् : 
कुनै पनि सामाजिक सञ्जालमा साम्प्रदायिक भड्काव ल्याउने वा अफवाह फैलाउने ब्यक्ति पनि कानूनी कारवाहीको दायरामा पर्छन् । यस्ता ब्यक्तिलाई पनि सार्वजनिक अपराधकै मुद्धामा सजाय हन सक्छ । 
नक्कली अकाण्टबाट बँच्नुस् : 
कुनै पनि ब्यक्तिले नक्कली अकाण्ट बनाउनु र त्यसको प्रयोग वा दुरुपयोग गर्नु कानूनी कारवाहीको दायरमा पर्छ । यसो गर्दा तपाइँ प्रहरीको फन्दामा पर्न सक्नु हुन्छ । कुनै पनि ब्यक्तिको अकाण्टबाट अरुलाई घोंचपेच वा दुरुपयोग गर्नेलाई पनि सजाय हुन सक्छ । 
अश्लिल सामग्रीबाट टाढै रहनुस् : 
सामाजिक सञ्जालमा अश्लिल सामग्री आदान प्रदान गर्ने वा कुनै अश्लिल कमेन्ट वा कुराकानी गर्ने बानी छ भने आजै देखि छोड्नुस् । अझ कुनै केटा केटीलाई यस्तो गर्नै हुँदैन । यसो गर्दा अनलाइन यौन दुर्व्यवहार वा शोषणको मुद्धामा जेल जान सक्ने खतरा हुन्छ । 
कमेन्ट गर्दा ध्यान दिनुस् : 
सामाजिक सञ्जालमा कुनै पनि पोष्ट देख्नु भो भने त्यसलाई लाइक गर्नु वा कमेन्ट गर्नु अघि एक पटक राम्ररी पढ्नुस् । कुनै पनि कन्टेन्ट आपत्तिजनक छ भने त्यसलाई लाइक वा कमेन्ट नगर्नुस् । कुनै पनि ब्यक्तिले राखेको आपत्तिजनक पोष्ट वा सामग्रीमा तपाइँले लाइक वा कमेन्ट गर्नु भो भने साइवर कानूनले तपाइँलाई समेत जेलको हावा खुवाउन सक्छ । 
पोष्ट गर्नु अघि सोंच्नुस् : 
कुनै पनि सामग्री वा स्ट्याटस फेसबुकमा वा ट्वीटरमा राख्नु अघि एक पटक विचार गर्नुस् । तपाइँको पोष्ट अश्लिल वा भडकाउ अथवा मानहानी गर्ने खालको छ वा कसैको मानमर्दन र निजि कुराको खुलासा गर्ने किसिमको छ भने तपाइँ समस्यामा पर्न सक्नु हुन्छ । त्यसैगरी कसैको पोष्टमा अश्लिल सामग्री राखिदिनु वा अश्लिल कमेन्ट गर्दा पनि समस्या आउन सक्छ । 
जनचेतनाका लागि विक्लीनेपाल डटकम बाट साभार गरिएको ।
<div class="separator" style="clear: both; text-align: center;"> <a href="https://blogger.googleusercontent.com/img/b/R29vZ2xl/AVvXsEjc4k5SRKAluKve6SHcJCdSop9r2SowzSBR3O0wE1ioFHc4ysV3c_56UfpQpji5qJHUFDDTN0ZHRRuomuMwyurGbc7QW7G9oJhlHr2shvjEYKvcKgO5fL2yBUtYuZLMG1iUeVe11CRLl14/s1600/2ccd15af7bded1e6598c295bd5987a2f.jpg" imageanchor="1" style="margin-left: 1em; margin-right: 1em;"> <img border="0" src="https://blogger.googleusercontent.com/img/b/R29vZ2xl/AVvXsEjc4k5SRKAluKve6SHcJCdSop9r2SowzSBR3O0wE1ioFHc4ysV3c_56UfpQpji5qJHUFDDTN0ZHRRuomuMwyurGbc7QW7G9oJhlHr2shvjEYKvcKgO5fL2yBUtYuZLMG1iUeVe11CRLl14/s640/2ccd15af7bded1e6598c295bd5987a2f.jpg"> </a> </div>

यी ५ कुरा झुक्किएर पनि फेसबुकमा नहाल्नुस् ! जेल सजाय हुन सक्छ

फेसबुकले मानिसलाई धेरै सजिलो बनाइदिएको छ । मानिसहरुले यसको सही हिसाबले पनि प्रयोग गरेका छन् र दुरुपयोग पनि गरिरहेका छन् ।फेसबुक ट्वीटरमा जे...

तपाईको आज – मिती वि.सं. २०७२ साल साउन ११ गते सोमबार तदानुसार इश्वी सन् २०१५ जुलाई २७ तारिख

तपाईको आजको राशीफल
मेष – चु, चे, चो, ला, लि, लु, ले, लो, अ 
आजको प्रयत्न निष्फल जस्तै होला। काम बिग्रने भयले सताउला। लगानी, दौडधुप, श्रम र प्रयत्नको उचित मूल्य नपाइने समय छ। न्यून उपलब्धिमा चित्त बुझाउनुपर्ने समय छ। नयाँ काममा हात हाल्न केही समय पर्खंदा राम्रो हुनेछ। गरी आएको कामलाई भने निरन्तरता दिन सकिनेछ। आश्वासन दिएर झुक्याउनेहरूले सताउनेछन्, सचेत रहनुहोला।
बृष – इ, उ, ए, ओ, बा, बि, बु, बे, बो 
विगतका समस्या बल्झिन सक्छन्। प्रयत्न गर्दा व्यावसायिक काम बन्नेछन्। व्यापार–व्यवसायमा भने सोचेको लाभ नमिल्न सक्छ। यात्रामा पनि समस्या आउने र बाध्यताका काममा जुट्नुपर्ने योग छ। दाम्पत्य सम्बन्धमा असमझदारी वा प्रतिस्पर्धाको समय छ। विद्यामा कमजोरी र लेनदेनमा विवाद होला। सवारीसाधन उपयोग गर्दा अलि सावधानी अपनाउनुपर्ला।
मिथुन – का, कि, कु, घ, ङ, छ, के, को, ह 
प्रयत्न गर्दा लक्ष्यमा पुग्न सकिनेछ। मेहनतले प्रतिस्पर्धाको दौड जिताउन सक्छ। भौतिक साधन जुट्नेछन् र दिगो फाइदा हुने काम सुरु हुन सक्छ। परिस्थितिसँग केही सम्झौता गर्नुपरे पनि अधिकार र प्रतिष्ठा जोगाउन सफल भइनेछ। लामो यात्राको प्रक्रिया अघि बढ्नेछ। हठ गर्ने बानीले दुःख पाइएला। सद्विचार लिनेहरूका लागि मात्र समय उत्साहजनक रहनेछ।
कर्कट – हि, हु, हे, हो, डा, डि, डु, डे, डो 
दिन उत्साहपूर्ण रहला। सुखद समाचार सुन्न पाइनेछ। स्वास्थ्य सबल रहनेछ र काममा पनि फाइदाको योग छ। व्यापारमा भने कम मात्र फाइदा होला। पशुपालन तथा कृषि क्षेत्रबाट राम्रो लाभ मिल्ने योग छ। पढाइलेखाइमा प्रगति हुनेछ। बौद्धिक प्रतिस्पर्धामा विजयी भइनेछ। प्रतिष्ठित काम सम्पादन गर्ने मौका छ। सन्तान वा अनुयायीले प्रसन्नता दिलाउनेछन्।
सिंह – मा, मि, मु, मे, मो, टा, टि, टु, टे 
परिस्थितिअनुसार चल्न नसक्ता अलि दुःख पाइनेछ। मान्यजनसँग असमझदारी बढ्न सक्छ। विगतका निर्णयले काममा चुनौती आउने देखिन्छ। अरूको सुझावप्रति शंका उब्जने समय छ। महत्वाकांक्षी योजना तत्काल सार्वजनिक नगर्नु नै बेस होला। परिवारजनको सहयोग लिँदा राम्रो हुनेछ। मातृधन, पशुधन र जमिनबाट पनि लाभ होला।
कन्या – टो, प, पि, पु, ष, ण, ठ, पे, पो 
अनुकूल समय छ। सहयोगीहरूले राम्रो साथ दिनेछन्। रोकिएका काम बन्ने र नयाँ काम सुरु गर्ने समय छ। उद्योग र व्यापारमा विशेष फाइदा हुनेछ। शत्रु र प्रतिस्पर्धीलाई सजिलै हराउन सकिनेछ। गरिएका कर्मको उचित प्रतिफल पाइनेछ। कृषि–चौपायामा केही समस्या देखिए पनि प्रशस्त धन आर्जन गर्ने मौका छ। बिनाप्रतिस्पर्धा फाइदा हुने योग छ।
तुला – र, रि, रु, रे, रो, ता, ति, तु, ते 
विभिन्न अवसरले तपाईंलाई पछ्याउनेछन्। बोलीको प्रभाव पनि बढ्नेछ। ठीक समयमा सही निर्णय लिन सकिनेछ। कार्यसम्पादन गर्ने क्षमता बढ्नेछ। तापनि, केही अवसर फुत्कने सम्भावना देखिन्छ, सचेत रहनुहोला। दीर्घकालीन रूपमा फाइदा हुने काममा हात हाल्ने समय छ। तार्किक क्षमता बढ्नेछ। विशेष सभा–समारोहमा भाग लिने मौका छ। मानसम्मान पाइनेछ।
बृश्चिक – तो, ना, नि, नु, ने, नो, या, यि, यु 
प्रतिष्ठित काम गर्ने मौका छ। आत्म–विश्वास बढ्नेछ। विशिष्ट व्यक्तित्वसँग भेटघाट हुनेछ। पारिवारिक जमघटमा मन रमाउनेछ। मन पर्ने वस्त्र, अलंकार आदि उपहार पाइने योग छ। स्वादिष्ट भोजनको आनन्द समेत पाइएला। पेटको खराबीले स्वास्थ्यमा कमजोरी देखा पर्न सक्छ। सहयोगीहरूले पनि त्यत्ति साथ नदिन सक्छन्। सचेत रहनुहोला।
धनु – ये, यो, भ, भि, भु, ध, फा, ढ, भे 
अवसरको खोजीमा केही दौडधूप गर्नुपर्ला। फाइदाका पछि लाग्दा साथीभाइसँग असमझदारी बढ्न सक्छ। खर्च बढ्नुका साथै आर्थिक अभाव देखा पर्न सक्छ। आक्षेप लगाउनेहरू सक्रिय हुनेछन् भने सहयोग गर्नेहरू कमै भेटिनेछन्। धेरै लगानीपछि कममात्र फाइदा हुनेछ। समयमा होस नपुग्नाले केही चुनौती झेल्नुपर्ला। होसियारीसाथ काम लिनुपर्ने समय छ।
मकर – भो, ज, जि, खि, खु, खे, खो, गा, गि 
श्रमको समुचित मूल्यांकन नहुन सक्छ। आम्दानीमा पनि बाधा पुग्ने देखिन्छ। भएको आम्दानी र सञ्चित रकम समेत खर्च गर्नुपर्ला। आँटेको काम पनि समयमा पूरा नहुन सक्छ। पढाइलेखाइमा त्यत्ति मन नजाला। धेरै लगानीपछि कम प्रतिफल पाइने र अरूको भरण–पोषणमा खर्च हुने समय छ। मालमत्ता समेत हराउन सक्छन्, सचेत रहनुहोला।
कुम्भ – गु, गे, गो, सा, सि, सु, से, सो, द 
सामाजिक क्षेत्रमा नेतृत्व हातलागी हुनेछ। भूमि, वाहन र पैत्रिक सम्पत्तिको उपयोगबाट प्रशस्त लाभ उठाउन सकिनेछ। व्यापारमा पनि राम्रै फाइदा हुनेछ। काममा मातापिताको सहयोग प्राप्त होला। प्रतिष्ठित काम गर्ने मौका छ। अरूलाई प्रभावित पारेर काम लिन सकिने छ। कीर्तिमानी काम सम्पादन होला। दाम, इनाम र प्रतिष्ठा कमाउने बेला छ।
मीन – दि, दु, थ, झ, ञ, दे, दो, च, चि 
समुदायको हितमा राम्रै काम गर्न सकिनेछ। सामाजिक उत्तरदायित्व वहन गर्दै फाइदा हुने काम र जिम्मेवारी हात पार्ने मौका छ। आफ्नो वर्ग वा क्षेत्रको नेतृत्व हातलागी हुनेछ। धेरैले तपाईंका कामको तारिफ गर्नेछन्। कीर्तिमानी काम गर्ने समय छ। दाम, इनाम र प्रतिष्ठा कमाउने बेला छ। सहयोगीहरूले साथ दिनेछन्। आँटेका काम पनि सजिलै बन्नेछन्।
<div class="separator" style="clear: both; text-align: center;"> <a href="https://blogger.googleusercontent.com/img/b/R29vZ2xl/AVvXsEhXErr4I9RjXOXLHkEAVktdFgCXTn0idry7uY365AW1ZoVxAWc2UbhGSS-zJ4hZje1zQonM2gNbcEHEgmPrr1bSabMFlBtCbugcvH-eJBcQWXb2i_71keY22c0p-m2Ln4IjLcdD2NxnY4w/s1600/rashifal_1426074886.jpg" imageanchor="1" style="margin-left: 1em; margin-right: 1em;"> <img border="0" src="https://blogger.googleusercontent.com/img/b/R29vZ2xl/AVvXsEhXErr4I9RjXOXLHkEAVktdFgCXTn0idry7uY365AW1ZoVxAWc2UbhGSS-zJ4hZje1zQonM2gNbcEHEgmPrr1bSabMFlBtCbugcvH-eJBcQWXb2i_71keY22c0p-m2Ln4IjLcdD2NxnY4w/s640/rashifal_1426074886.jpg"> </a> </div>

तपाईको आज – मिती वि.सं. २०७२ साल साउन ११ गते सोमबार तदानुसार इश्वी सन् २०१५ जुलाई २७ तारिख

तपाईको आजको राशीफल मेष – चु, चे, चो, ला, लि, लु, ले, लो, अ आजको प्रयत्न निष्फल जस्तै होला। काम बिग्रने भयले सताउला। लगानी, दौडधुप, श्रम र...

सुनको भाउ घटेको घट्यै, तोलाको २३ हजार !

काठमाडौं, १० साउन । सुनमा घटिरहेको भाउ देखेर यदि सुन किन्ने योजनामा हुनुहुन्छ 
भने केही समय अझै धर्य गर्नुहोस् । विशेषज्ञहरु भन्छन्- सुनको 
भाउ एक महिनाभित्र तोलको २३ हजारमा झर्न सक्छ । विश्लेषकहरुले यो धारणा 
सार्वजनिक गरेका हुन् । जसमा व्यापारीहरु पनि भन्छन् कि सुनको भाउ 
अझै घट्छ । उनीहरु भन्छन्-फेडरल रिजर्व ब्याजको दर बढ्ने 
सम्भावना बोलियो भएकाले भएकाले अमेरिकी डलरका कारण सुनको भाउ 
अझै घट्छ । 
सुनचाँदीका गहनाबारे चाँसो राख्ने कमट्रेंड्ज रिसर्चका डायरेक्टर 
ज्ञानशेखर त्यागराजनले भने-‘सुनको भाउ सुस्त छ । यो दर एक हप्तादेखि एक 
महिनाभित्र घटेर तोलाको २३ हजार देखि २३ हजार ५०० रुपैयाँ सम्म पुग्छ । उनको 
भनाई अनुसार भदौ महिना सुनको २३ देखि २५ हजारसम्म पुग्ने छ । तर, त्यसका 
लागि फेडरल रिजर्व बैंकले ब्याजको दर बढाउनुपर्छ । जुन एकदमै सम्भावनायुक्त 
छ । व्याजदर जति बढाएपनि सुनलाई केही असर गर्नेछैन् ।’ 
फेडरल रिजर्व बैंकको निर्णयसँगै नेपालमा पनि सुनको भाउ २५ देखि ३० हजारसम्म 
पुग्ने उनले बताए । अमेरिकी फेडरल रिजर्वद्वारा ब्याजको दरमा 
बढ़ोत्तरी गर्ने तयारी भइरहेको छ । यसमा अन्तिम निर्णय 
आउनेवित्तिकै बाजारमा भारती गिरावट आउने छ । त्यागराजन भन्छन्-‘यो 
एक हप्तादेखि आउँदो महिनासम्म अन्तर्राट्रिय बजारमा सुनको भाउ तोलाको १ हजार 
२० डलर हुनेछ । यो एक हजार डलर भन्दा तल पनि झर्न सक्छ । 
नेपाल सुनचाँदी व्यवसायी महासंघका महासचिव दियेशरन्त 
शाक्यले पनि अन्तर्राष्ट्रिय बजारको भाउ घटेमा नेपालमा भदौं महिनासम्म सुनको भाउ 
३० हजारमा झर्न सक्ने सम्भावना रहेको बताउँछन् । 
उनका अनुसार शनिवार नेपालमा सुन ४७ हजार २ सय रुपैयाँमा कारोवार भएको छ । यो 
पाँच वर्ष यताकै सस्तो हो । 
उनका अनुसार चीनमा आर्थिक संकटबाट माथि उठ्न आफ्नो भण्डारबाट 
सुन बेचिरहेको छ । जसले प
<div class="separator" style="clear: both; text-align: center;"> <a href="https://blogger.googleusercontent.com/img/b/R29vZ2xl/AVvXsEi_9hB_WpT4zNB7ng3A8aL2CDv98KNmehMH-V7zAQZHU0flPZRAh81yZHArZ4MPOybvd_SqYh6yz0ysr-DYhU4y31XdEzPFkxpTwwFxvVUWh-briiF-YT-BXLZ-v-Y9NziCF7xd132Zbl8/s1600/Capture.PNG" imageanchor="1" style="margin-left: 1em; margin-right: 1em;"> <img border="0" src="https://blogger.googleusercontent.com/img/b/R29vZ2xl/AVvXsEi_9hB_WpT4zNB7ng3A8aL2CDv98KNmehMH-V7zAQZHU0flPZRAh81yZHArZ4MPOybvd_SqYh6yz0ysr-DYhU4y31XdEzPFkxpTwwFxvVUWh-briiF-YT-BXLZ-v-Y9NziCF7xd132Zbl8/s640/Capture.PNG"> </a> </div>

सुनको भाउ घटेको घट्यै, तोलाको २३ हजार !

काठमाडौं, १० साउन । सुनमा घटिरहेको भाउ देखेर यदि सुन किन्ने योजनामा हुनुहुन्छ भने केही समय अझै धर्य गर्नुहोस् । विशेषज्ञहरु भन्छन्- सुनको ...